Laugardaginn 8. mars nk. standa Framtíðarlandið og Nýheimar , þekkingar- og nýsköpunarmiðstöð Hornfirðinga, fyrir Austurþingi á Höfn í Hornafirði.

Þingið er hið þriðja í röð landshlutaþinga sem Framtíðarlandið stendur fyrir í vetur. Vesturþing var haldið í nóvember í fyrra og Reykjanesþing var haldið núna í febrúar. Á þessum þingum er áherslan lögð á nýsköpun í atvinnumálum og umhverfisvæna framtíðarsýn.

Á Austurþingi kemur saman hugmyndaríkt og kraftmikið fólk úr atvinnulífi, menningu og nýsköpun. Fyrirlesarar eru ýmist heimamenn eða utanaðkomandi en allir eiga þeir það sameiginlegt að láta sig framtíð landsbyggðarinnar varða, þ.m.t. atvinnumál, menntun og almenn lífsgæði.

Þingið er öllum opið og hægt er að skrá sig á það með því að senda tölvupóst á netfangið aeh6@hi.isÞetta netfang er varið fyrir ruslrafpósti, þú þarft að hafa Javascript virkt til að skoða það eða hringja í síma 864-3444.

Dagskrá:

Meira Austurland!

Austurþing Framtíðarlandsins og Nýheima

Ráðstefnusalur Nýheima, Höfn í Hornafirði
Laugardaginn 8. mars

Þingstjóri er Þorvarður Árnason

9.00–9.30 Skráning

9.30–9.45 Þingstjóri setur þingið, ávarp bæjarstjóra

9.45–11.15 Morgunþing: Nýheimar — Tákn nýrra tíma?

1) Kynning á Nýheimum — saga, hugmyndafræði, árangur
2) Framtíðarsýn og þróun
3) Möguleikar á útrás, innan og utan nærsamfélagsins

Ari Þ. Þorsteinsson, forstöðumaður Frumkvöðlaseturs Austurlands
Björg Erlingsdóttir, forstöðukona Menningarmiðstöðvar Hornafjarðar
Eyjólfur Guðmundsson, skólameistari Framhaldsskólans í A-Skaftafellssýslu
Guðmundur H. Gunnarsson, verkefnisstjóri hjá Matís, Hornafirði
Hjalti Þór Vignisson, bæjarstjóri
Ragnhildur Jónsdóttir, verkefnisstjóri hjá Þekkingarneti Austurlands, Höfn
Þorvarður Árnason, forstöðumaður Fræðaseturs HÍ á Hornafirði

11.15–11.30 Kaffihlé

11.30–12.00 Draumalandið — sýnishorn úr nýrri mynd Andra Snæs Magnasonar

Hádegisverður 12.00–13.00

13.00–14.20 Síðdegisþing: Hugsum heiminn! Nýr heimur, nýjar áskoranir
13.00 Rögnvaldur Jóhann Sæmundsson, Rannsóknarmiðstöð HR í nýsköpunar- og frumkvöðlafræðum: „Nýsköpun – ógnun eða tækifæri?“
13.20 Ása Richardsdóttir, framkvæmdastjóri Íslenska dansflokksins: „Að hugsa hnattrænt í heimahaganum ....“
13.40 Skúli Skúlason, rektor Háskólans á Hólum: „Gildi menntunar og þekkingar á landsbyggðinni“
14.00 Sigríður Ólafsdóttir, þróunarstjóri Actavis : „Rannsóknir, sjálfstæð atvinnugrein eða stoð við atvinnulífið?“

14.20–15.20 Þankahríð í vinnuhópum

15.20–15.30 Kaffihlé

15.30–16.30 Hringborðsumræður
Álitsgjafar:
Anna Karlsdóttir, landfræðingur
Gunnar Hersveinn, heimspekingur
Stefanía Kristinsdóttir, framkvæmdastjóri Þekkingarnets Austurlands
Kristín Gestsdóttir, stjórnarformaður Ríkis Vatnajökuls
Viðar Hreinsson, framkvæmdastjóri ReykjavíkurAkademíunnar

Hvatt er til þess að allir gestir þingsins taki þátt í hringborðsumræðum ásamt álitsgjöfum.

16.30–17.00 Lokaorð Irmu Erlingsdóttur, formanns Framtíðarlandsins, og þingslit

Humarveisla með menningarlegu ívafi hefst kl. 18:00. Fyrirkomulag hennar verður kynnt nánar á þinginu.