Eskfirðingarnir Stefán Gíslason og Eggert Gunnþór Jónsson eru í landsliðshópi Ólafs Jóhannessonar sem mætir Slóvökum í æfingaleik 26. mars næstkomandi.

Egilsstaðabúinn Hjálmar Jónsson sem spilar með IFK Gautaborg er ekki í hópnum, ekki er vitað hvort til hans var leitað en hann hefur ekki verið á leikmannalista Gautaborgar í undanförnum æfingaleikjum. Sem áður gefur Stöðfirðingurinn Ívar Ingimarsson leikmaður Reading ekki kost á sér í íslenska landsliðið. Hornfirðingurinn Ármann Smári Björnsson er ekki í hópnum.