agl.is - fréttir af austurlandi - Bæjarstjórnarskrifstofu lokað á Neskaupstað um áramót

Bæjarstjórnarskrifstofu lokað á Neskaupstað um áramót

Skrifað af Steinunn Ásmundsdóttir
miðvikudagur, 18 nóvember 2009

Síðast uppfært ( miðvikudagur, 18 nóvember 2009 )

Ákveðið hefur verið að loka skrifstofu sveitarfélagsins Fjarðabyggðar í Neskaupstað um áramótin. Starfsemin verður flutt til Reyðarfjarðar. Tilhögunin á að spara sveitarfélaginu 15 milljónir króna árlega. Þetta var tilkynnt á starfsmannafundi í dag. Á skrifstofunni í Neskaupstað starfa ellefu starfsmenn, sem þurfa þá væntanlega að sækja vinnu til Reyðarfjarðar. Leki kom upp í húsnæði skrifstofunnar og ástand húsnæðisins þykir óviðunandi en leigusali hefur haft kvartanir að engu. Því var ákveðið að rifta leigusamningi um húsnæðið og flytja skrifstofuna á Reyðarfjörð.

Talað er um að hugsanlega fái starfsmenn ökutækjastyrk og fái að aka fram og til baka í vinnutíma sínum fyrst um sinn.

Ummæli lesenda

Álitsgjöf

Sýna 14 af 14 Ummæli

1. 28-11-2009 23:17

Sandkassaleikurinn

Fjarðabyggðabúi, nokkur, sendir mér sneið hér að framan, undir nafninu “Sandkassaleikur” (23.11.2009) vegna ummæla, sem ég viðhafði undir nafninu Hagræðing, (22.11.2009) í tengslum við frétt Austurgluggans um að loka ætti bæjarskrifstofunum í Neskaupstað um nk áramót þar sem 11 starfsmenn hafa starfað.

Þessi ónafngreindi aðili, sem kýs að koma ekki fram undir nafni, segir að ég sé alltaf í sandkassaleik og viðhafi endalaust skítkast og rangfærslur.

Mér þætti vænt um að þessi Fjarðabyggðarbúi, finni framangreindum orðum sínum stað, “sandkassaleik, skítkast og rangfærslur” í mínu bloggi, Hagræðing.

Ekki skemmdi það nú fyrir að Fjarðabyggðabúinn kæmi fram undir nafni.

Svo er okkur öllum íbúm Fjarðabyggðar hollt og til umhugsunar að lesa grein Sveins Oddsonar hér að framan.

Emil Thorarensen

2. 28-11-2009 02:09

Lýðræðisleg mistök

Sameiningin 1998, Neskaupstaður, Eskifjörðu,r Reyðarfjörður voru mikil mistök.

Hvergi hlaut þó sameiningin meiri stuðning, byggðanna, en meðal Norðfirðinga sem kokgleyptu dýrðina.

Austfirðingur 2

3. 27-11-2009 01:30

Því fór sem fór

Því verrii eru margra (heimskra ) manna ráð sem fleiri koma saman og kjósa samkækvæmt uppskrift, það gerðist nefnilegða 1998 þegar íbúar í Neskaupstað, Eskifirði og Reyðarfirði kusu sameininguna yfir sig.

Aaustfirðignur

4. 24-11-2009 15:32

Kosningar Koma

Það líður sem betur fer að kosningum. Það er tímabært að við íbúar í bæjarfélaginu okkar hugsum okkar gang. Fer mælirinn ekki að verða fullur? Hvernig líður starfsmönnunum 11, kannski eins og konunni sem var rætt við í sjónvarpinu... Hún fer líklega að sofa í kvöld þakklát fyrir kikkið í rassinn og þakkirnar fyrir gott starf. Íbúarnir, hvað með þá - þegið þið bara!

Er þetta REYKJAVÍK eða hvað!!!hversvegna finnst mér eins og allt persónulegt sé farið? Einhver fálkaorðubæjarstjóri frá Reykjavík sem er að breyta öllu, til hvers? Svo er eitthvað bæjarstjórnar sem eru menn án andlita, gætu verið frímúrar þess vegna - kannski stjórnarmenn í Kaupþingi - who knows, er ekki bæjarstjóri þar nú þegar?

Kjósandi í Fjarðabyggð

5. 23-11-2009 00:36

Sandkassaleikur

Það er alltaf saman sagan að þegar Emil blandar sér í málið fer hann alltaf í sandkassaleik, endalaust skítkast og rangfærslur. Ótrúlegt að halda því fram að þetta allt saman sé þremur mönnum að kenna. Hér koma miklu fleiri að málum. Síðustu þrjú árin hefur allt verið á hraðri niðurleið í öllum byggðarkjörnunum og það er kaldhæðni í slagorði sveitarfélagsins "það er gott að búa í Fjarðabyggð", FÁLKAORÐA bæjarstýrunnar er aðalbrandarinn í þessu öllu saman, hún hefur amk. ekki fengið þessa orðu fyrir að hugsa vel um mannauðinn hjá sveitarfélaginu, svo mikið er víst.

Ótrúlegt að íbúar sveitarfélagsins skuli ekki standa saman þegar stjórnsýslan traðkar á þeim. Breytum því strax í dag.
:zzz

Fjarðabyggðarbúi

6. 22-11-2009 06:24

Hagræðing

Jæja, rétt einu sinni, sannast hið gamla og grófna að byltingin étur börnin sín.

Nú eru íbúar í Neskaupstað að ranka upp við að það að verið er að leggja niður 11 opinber störf á vegum bæjarfélagsins og flytja frá Neskaupstað til Reyðarfjarðar.
Neskaupstaður er orðinn einn afskekktasti byggðarkjarni í sveitarfélaginu Fjarðabyggð, þar sem íbúum fækkar stöðugt og lítil stemming fyrir að búa í .

Sameiningin, illu heilli, var gerð að ráði svokallaðrar hagræðingar misvitra sveitastjórnarmanna, sem gátu talað almenning á sitt band og náð fram sigri í lýðræðislegum kosningum um að sameinging sveitarfélaganna Neskaupstaður, Eskifjörður og Reyðarfjörður væru hið eina rétta, en var í raun flótti þeirra frá veruleikanum, því vissulega er erfitt að reka sveitarfélag, en sameining sveitarfélaga þar sem heilu fjallgarðarnir skilja að byggðarkjarna, skapa ekki hagræðingu síður en svo, enda tel ég að fólk hafi ekki orðið vart við neina hagræðingu eða framfarir við þetta samkrull byggðanna eftir 10 ára reynslu.

Ef svona mikil hægkvæmni felst í sameiningu sveitarfélaga, hvers vegna eru þá ekki sveitarfélögin á Stór-Reykjavíkursvæðinu löngu sameinuð, sem öll eru staðsett nánast á sömu torfunni, þ.e. Reykjavík, Kópavogur, Hafnarfjörður, Garðabær, Seltjarnarnes, Alftanes og Mosfellsbær ?

Ég er viss um að gömlu góðu kempurnar, Lúðvík Jósepsson, Bjarni Þórðarson og Jóhannes Stefánsson, kunni þeim annars ágætu öðlingum, bæjarstjórnarmönnunum Smára Geirssyni, Guðmundi Bjarnasyni og Guðmundi R. Gíslasyni litlar þakkir fyrir blinda trú sína á ágæti sameiningar Neskaupstaðar við Eskifjör og Reypðarfjörð og síðar Austurbyggð. (Fáskrúðsfjörð og Stöðvarfjörð)

Og ekki var sá merki athafnamaður, Aðalsteinn Jónsson, á Eskifirði talsmaður sameiningar þessara byggða.

“Byggt og búið.”

Semsagt, sameiningin, byggð í góðri trú en búin, og nú situr byggðin á Norðfirði eftir slipp og snauð, útkjálakabyggð, afskekkt endastöð og stjórnsýslan öll komin til Reyðarfjarðar, sem var þó aumasta sveitarfélagið þegar almaenningur á Neskaupðsð, Eskifirði og Reyðarfirði kaus með sameinginu þessara þriggja sveitarfélga árið 1998 og miðbærinn, bæjarskrifstofurnar áttu að vera á Eskifirði.

Svikin loforð.
Ekkert að marka töluð orð.

Emil Thorarensen

7. 21-11-2009 00:37

gleymdi einu

Í framhaldi af 101 rottu
Hvernig verður bókun bæjarráðs þegar héraðsdómur austurlands verður lagður af og fluttur suður?

Einar

8. 21-11-2009 00:30

Já ok

Einmitt Gunnar. Slökkvistöðin var byggð rétt fyrir sameiningu, og þá lá alveg ljóst fyrir að atvinnuslökkvilið yrði á Rfj. Annars staðar eru slökkvibílar í áhaldahúsum, eða hripleku húsum.
Hvað um það.
Og þetta með lekann er bara brandari
Þú segir "Það var ekki heil brú í þessum tillögum þegar nánar var skoðað og með eindæmum illa að þeirri vinnu staðið, svo ekki sé meira sagt". Mér finnst þetta einmitt eiga við nú. Vittu til Fjb. verður farið að leigja skrifstofurrými á Rfj eftir smá tíma. Ólíkt áðurgreindum aðgerðum á fásk, þá eru hér störf undir, starfsmenn, manneskjur. Nú er verið að -praktískt séð-segja upp 4-5 starfsmönnum. Konum, sem eiga menn sem vinna sunnan skarðs og eru ekki að fara að vinna þar með börn á leikskóla og grunnskóla

Einar "Sullenberg"

9. 20-11-2009 23:14

Einar, áttavilltur?

Mér er lúft að veða við ósk “Einars” (eða hvað svo sem hann heitir þessi, annars ágæti maður) og svara spurningum hans hér að neðan.

Hann er að velta því fyrir sér hvort ég hafi verið hlynntur “sparnaðaraðgerðum” sem framkvæma átti hér á Fáskrúðsfirði í fyrra. Svarið við því hefði verið “já” ef um raunverulegan sparnað hefði verið að ræða og samfara breytingunum hefði þjónusta við íbúana verið jafngóð eða betri. En um það var ekki að ræða, heldur þvert á móti. Það var ekki heil brú í þessum tillögum þegar nánar var skoðað og með eindæmum illa að þeirri vinnu staðið, svo ekki sé meira sagt. Enda engin samstaða um þær í bæjarstórn og sjálfgefið að hætta við. Þar liggur nú hundurinn grafinn og trúlega kötturinn líka.

Hvað varðar “gælu-lúxus slökkvistöðina” sem Einar kallar svo, skal tekið fram að það húsnæði sem hýsti búnað slökkviliðsins á Fáskrúðsfirði, hélt hvorki vatni né vindi. Þar rúmaðist ekki nema hluti tækjanna og þau sem þar voru, lágu undir skemmdum. Enda var sú kofasamsteypa rifin þegar slökkviliðið flutti út.

Hin nýja og glæsilega slökkvistöð rúmar nú allan tækjakost slökkviliðsins auk þess sem sjúkrabíllinn er staðsettur þar. Þetta hús byggði Austurbyggð árið 2004 og kom því núverandi Fjarðabyggð ekki að því máli. Einar; ég er hræddur um að þú hafi eitthvað villst af leið og sért alveg úti í móa í þeim efnum.

Gunnar Geirsson

http://www.raudhausar.com/ gunnar/

Gunnar Geirsson

10. 20-11-2009 16:34

Gamaldags hugsun hjá Fjarðabyggð

Það er ótrúlegt að horfa upp á það hvað Fjarðabyggð er gamaldags og að því er virðist algjörlega föst í því að fólk geti ekki unnið saman nema að vera undir sama þaki.
Það er eins og það sé ekki búið að finna upp símann og tölvuna í stjórnkerfi Fjarðabyggðar. Miðsæknin er þvílík í þessu batteríi. Það er greinileg stefna (og skjalfest í núverandi meirihlutasamstarfs- samkomulagi) að öll stjórnsýsla skuli vera staðsett á skrifstofunum á Reyðarfirði.
Ég held að íbúarnir séu löngu búnir að átta sig á því að til eru símar og tölvur og því eru hinar hefðbundnu "afgreiðslur" bæjarskrifstofanna óþarfar í nútímasamfélagi - þær á reyndar að færa í bókasöfnin og er það að mörgu leyti sniðugur kostur.
Það sem ég sé þessari ráðstöfun helst til vansa er að starfsfólk hefur ekki lengur tækifæri til að vinna í sínum heimabæ, þessir 11 starfsmenn sem um ræðir þurfa því nú að keyra á hverjum degi til Reyðarfjarðar, ríflega hálftíma akstur yfir hæsta fjallveg landsins, 37 km frá skólum barna sinna og heimili.
Húsnæði á Reyðarfirði er alls ekki ódýrt og gaman væri að vita hver kostnaðurinn er við að stækka skrifstofuna þar - já eða sparnaðurinn ef hægt væri að minnka hana - því að 11 starfsmenn taka sitt pláss og þurfa sína aðstöðu hvort sem er á Norðfirði eða Reyðarfirði.
Ég tel að Fjarðabyggð ætti frekar að vera leiðandi í fjarvinnslu og bjóða upp á starfsstöðvar sem víðast um sveitarfélagið þar sem starfsfólk þess getur unnið sín verkefni. Já og jafnvel starfsfólk annarra, fyrirtækja og stofnana. Tæknin er öll til staðar og möguleikarnir - ég veit það fullvel því ég vinn fjarvinnu á Norðfirði fyrir ríkisstofnun af höfuðborgarsvæðinu. Það þarf bara rétt hugarfar starfsfólks og stjórnenda. Þessar starfsstöðvar þurfa ekki að bjóða upp á "afgreiðsluþjónustu" við íbúana heldur bara að sjá starfsfólki fyrir aðstöðu.

Auðvitað er ekki hægt að vinna öll störf í fjarvinnu, en það eru kannski sérstaklega þau störf sem tilheyra þessum gömlu "afgreiðslum", þjónusta við íbúa/viðskiptavini. En mestöll bakvinnsla getur farið fram hvar sem er auk þess sem hægt er að stýra fundum og viðtölum sem krefjast þess að fólk drekki sama kaffið, inn á vissa daga og þá getur viðkomandi starfsmaður fært sig um set (fækka akstursdögunum).
Ég tek undir með 101 rottunni hér fyrir neðan að málstaður Fjarðabyggðar er ekki sterkur í því að reyna að ná til sín eða halda í útibú eða verkefni frá Ríkinu - Fjarðabyggð á ekkert svar við því að öll stjórnsýsla hins opinbera verði að fara fram í póstnúmeri 101. Ekki á meðan öll stjórnsýsla Fjarðabyggðar þarf að fara fram í pnr. 730.
Ég skora á Norðfirðinga sem og aðra íbúa Fjarðabyggðar að mótmæla þessum gjörningi á hvaða vettvangi sem þeir telja farsælast og muna að það styttist í sveitarstjórnarkosningar.
Ég vil ekki láta breyta öllum úthverfum Fjarðabyggðar í svefnbæi.

Sveinn Oddsson

11. 19-11-2009 21:25

Í eigin ranni

Gunnar Geirsson, hvað með áhaldahúsið á fáskrúðsfirði og "gælu-lúxus"slökkvistöðina. Þú varst þá væntanlega hlynntur sparnaðaraðgerðunum sem framkvæma átti í fyrra en ekki varð af vegna pressu frá íbúum. Svar óskast

Einar

12. 19-11-2009 09:58

Hræsni

Næst þegar eitthvert útibú ríkisstofnunar, banka eða þess háttar verður lagt niður í Fjarðabyggð og/eða flutt til Aey eða Rvk, verður bæjarráð tilbúið með bókun: Bæjarráð Fjarðabyggðar sýnir aðgerðum stjórnvalda fullan skilning .......enda getur það fólk sem þarna vinnur flutt sig til... bla bla

101 Rotta

13. 18-11-2009 23:51

Moll

Meirihlutinn mun falla núna. Þú verður að sætta þig við það. Hvað borgar Fjb annars í leigu í molanum? Hvað kostaði stækkunin á mollinu

trebbi

14. 18-11-2009 20:40

Það þurfti rigningu til !

Jæja, þá hefur bæjarstjórnin loks séð ljósið og það í rigningunni og á dögum myrkurs! Það er hægt að spara 15 milljónir, fimmtán milljónir, árlega með því að leggja niður skrifstofuútibú Fjarðarbyggðar á Norðfirði. Þetta sáu ALLIR íbúar Fjarðabyggðar, aðrir en sumir Norðfirðingar, strax við sameiningu þáverandi Fjarðabyggðar og Austurbyggðar. Vonandi heldur áfram að rofa til.

Gunnar Geirsson

http://www.raudhausar.com/ gunnar/

Gunnar Geirsson

Sýna 14 af 14 Ummæli

Skrifaðu ummæli...

< Fyrri		Næsti >

[ Til baka ]