Alcoa Fjarðaál auglýsir eftir umsóknum um samfélagsstyrki fyrir síðari hluta ársins 2010. Fyrirtækið úthlutar styrkjum tvisvar á ári, að vori og hausti. Nú í vor veitti Fjarðaál rúmlega 4,6 milljónir króna í styrki til 22 aðila. Ekki eru veittir styrkir til stjórnmálasamtaka, trúfélaga eða til almenns reksturs félaga.

Fjarðaál og Samfélagssjóður Alcoa (Alcoa Foundation) hafa frá árinu 2003 styrkt fjölbreytt verkefni á Austur- og Norðurlandi um ríflega 330 milljónir króna og ætlunin með með þeim er að auðga og efla sjálfbært samfélag.

Umsóknir um samfélagsstyrki Fjarðaáls þurfa að berast í síðasta lagi 10. september en styrkir verða afhentir um miðjan október. Umsóknareyðublöð má nálgast á heimasíðu fyrirtækisins alcoa.is. Hægt er að senda umsókn sem viðhengi á netfangið styrkir@alcoa.com.