Talið er að eldsupptök í Fellabakaríi í morgun megi rekja til kaffivelar eða einhvers rafmagnstækis í kaffistofu á efri hæð fyrirtækisins.
 Að sögn Baldurs Pálssonar slökkvuliðsstjóra, ,,má leiða líkur að, að kviknað hafi í út frá enhveju rafmagnstæki á efri hæð hússins í kaffistofu, sennilega kaffivél".
Húsið er mikið brunnið á efri hæð, sem var á frílofti í hluta hússins, þar sem voru kaffistofa og skrifstofur. Aðrar skemmdir af völdum elds í húsinu voru ekki miklar nema gólfið í efri hæðinni var mikið brunnið.
Ekki komst eldur svo teljandi sé í vélasal hússins vegna þess að eldvarnaveggur nálægt miðju húsinu, milli skrifstofu og vélasalar hélt. Ekki urðu heldur skemmdir af völdum elds svo teljandi væri í verslun sem er staðsett í hinum enda hússins en skrifstofuloftið erm milli vinnslusalarins og búðarinnar.
Miklar skemmdir urðu hins vegar af reyk, sóti og vatni í þeim hlutum hússins sem eldurinn náði ekki til og ljóst að ekki verður bakað í húsinu á næstunni, en Fellabakarí er eina bakaríið á Mið Austurlandi.
|
|
|
