agl.is - fréttir af austurlandi - Elvar Jónsson: Lágkúruleg viðbrögð við hugmyndum um færslu Hringvegar

Elvar Jónsson: Lágkúruleg viðbrögð við hugmyndum um færslu Hringvegar

Skrifað af Gunnar Gunnarsson
föstudagur, 27 ágúst 2010
Elvar Jónsson, oddviti Fjarðalistans, segir viðbrögð sveitastjórnarmanna á Fljótsdalshéraði og Djúpavogi við hugmyndum um að flytja þjóðveg eitt þannig hann liggi um Fjarðabyggð „lágkúruleg.“ Þetta kom fram í máli Elvars á íbúafundi á Stöðvarfirði í fyrrakvöld. „Mér er ekki skemmt yfir viðbrögðum sveitarstjórnarmanna á Djúpavogi og Fljótsdalshéraði. Mér finnst þau lágkúruleg,“ sagði Elvar. „Ég er ekki viss um að hægt verði að ná samstöðu innan fjórðungsins um hvar vegurinn skuli liggja.“ Esther Ösp Gunnarsdóttir, sem einnig situr í bæjarstjórn Fjarðabyggðar fyrir Fjarðalistann, sagði tíma til kominn að menn ræddu um mál Hringvegarins með „rökum, ekki tilfinningum.“
Síðast uppfært ( föstudagur, 27 ágúst 2010 )

< Fyrri		Næsti >