,,Á fundi bæjarstjórnar Fljótsdalshéraðs 20. janúar síðastliðinn var fundargerð umhverfis- og héraðsnefndar Fljótsdalshéraðs dagsett 13. janúar til umfjöllunar og neðangreint erindi tekið fyrir. Refa- og minkaeyðing - samningur við veiðimenn.   Eftirfarandi tillaga lögð fram: Að tillögu umhverfis og héraðsnefndar samþykkir bæjarstjórn eftirfarandi breytingar á verðskrá fyrir veiðimenn. Þetta er gert í ljósi þess að það fjármagn sem ætlað hefur verið til refa- og minkaeyðingar hefur ekki nægt undanfarin 2 ár og að samningar við veiðimenn eru lausir", eins og segir í fundargerð og bréfi til grenjaskytta sveitarfélagsins.

Verðlaun fyrir vetrarveiddan ref lækkar úr 18.000 krónum niður í 13.500, verðlaun fyrir grendýr lækka úr 12.000 krónum niður í 9.000, yrðlingar lækka úr 6.000 niður í 4.500 krónur. 

Tímagjald 1000 krónur á klukkustund, kílómetragjald 92 krónur á kílómetra, greiðsla fyrir fundið nýtt greni 20.000 krónur og verðlaun fyrir unnin mink 3.500 krónur, eru þó óbreytt.