 |
| Höttur tapaði seinasta leiknum og Þróttur undanúrslitunum |
|
|
|
| Skrifað af Gunnar Gunnarsson | |
| mánudagur, 15 mars 2010 | |
|
Körfuknattleikslið Hattar tapaði lokaleik sínum í 1. deild karla fyrir Þór Þorlákshöfn. Kvennalið Þróttar í blaki féll úr leik í undanúrslitum.
 Eftir að hafa tryggt sæti sitt í deildinni að ári með þremur sigrum í seinustu fjórum leikjum tapaði Höttur 67-82 í lokaumferðinni fyrir Þór Þorlákshöfn. Leikurinn fór fram á Egilsstöðum á föstudagskvöld. Höttur lauk tímabilinu í sjötta sæti með fjórtán stig.Þróttur féll úr leik í undanúrslitum bikarkeppni kvenna í blaki á laugardag þegar liðið tapaði fyrir HK í þremur hrinum, 13-25, 23-25 og 18-25. HK vann síðan KA í úrslitum. Þróttur leikur sinn fyrsta leik í úrslitakeppni 1. deildar á miðvikudag þegar liðið tekur á móti KA í Neskaupstað. |
|
| Síðast uppfært ( mánudagur, 15 mars 2010 ) |
| < Fyrri | Næsti > |
|---|
