ME og Fljótsdalshérað komin áfram PDF Prenta Rafpóstur
Skrifað af Gunnar Gunnarsson   
laugardagur, 14 janúar 2012

gettu_betur_me.jpgLið Menntaskólans á Egilsstöðum er komið áfram í spurningakeppninni Gettu betur og Fljótsdalshérað sló Dalvíkurbyggð út úr Útsvarinu í gærkvöldi.

 

ME burstaði lið Framhaldsskólans á Tröllaskaga í fyrstu umferð spurningakeppni framhaldsskólanna á fimmtudagskvöld, 17-1. Austfirðingarnir voru með örugga forustu eftir hraðaspurningarnar, 9-1. Í ME-liðinu í ár eru þeir Hrólfur Eyjólfsson, Arnar Jón Guðmundsson og Helgi Týr Tumason.

Mun meiri spenna var í gærkvöldi þar sem liðin skiptust á forustunni. Héraðsbúarnir sigu þó fram úr í lokin og unnu 80-74.

Lið Verkmenntaskóla Austurlands mætir Fjölbrautaskóla Vesturlands í Gettu betur á mánudagskvöld.
 
< Fyrri   Næsti >
[ Til baka ]

feed image