agl.is - fréttir af austurlandi - Riða greind á bæ á Jökuldal

Riða greind á bæ á Jökuldal

Skrifað af Gunnar Gunnarsson
miðvikudagur, 01 febrúar 2012
Riða hefur greinst á bænum Merki á Jökuldal. Öllu fé á bænum verður slátrað á næstunni. Sýni var greint úr kind sem slátrað var í sláturhúsi í haust. Frá þessu er greint í frétt á vef Matvælastofnunar. Sýnið var greint í tilraunastöð Háskólans í meinafræði á Keldum og hefur nú verið staðfest að smitefni riðu hafi fundist í því. Riðan er af afbrigðinu NOR 98 og er þetta fjórði bærinn á Íslandi þar sem þetta afbrigði finnst. Um 530 kindur eru á bænum og undirbúningur er nú að hefjast vegna nauðsynlegs niðurskurðar á öllu fé á bænum. Engin kind greindist með sjúkdómseinkenni riðu á síðasta ári. Bærinn Merki er í Héraðshólfi og í því hólfi greindist riða síðast árið 1997.
Síðast uppfært ( miðvikudagur, 01 febrúar 2012 )

< Fyrri		Næsti >